Shefi i Futbollit të Juventusit, Francesco Calvo këmbëngul se një ndalim i UEFA-s nga Evropa nuk është asgjë më shumë se thashetheme.
Ai foli para ndeshjes që Juventusi e luan si mysafir ndaj Interit në Kupën e Iatlisë.
“Sigurisht që ka qenë një sezon i gjatë dhe i komplikuar me ulje dhe ngritje, ne jemi ende në garë për tre turne dhe do të shohim se si do të ndihemi pas rezultatit të kësaj mbrëmjeje”.
La Gazzetta dello Sport raportoi këtë javë se UEFA ka vendosur të përjashtojë Juventusin nga të gjitha garat evropiane për një vit, pavarësisht se çfarë vendos përfundimisht sistemi i drejtësisë italiane.
“Nuk kemi asnjë lajm për situatën, por edhe unë i lexova ato thashetheme në një gazetë dhe ato u trajtuan si fakte, por nuk janë asgjë më shumë se thashetheme”, ka thënë Calvo për Mediaset. /Telegrafi/