Një video e presidentit rus Vladimir Putin, e cila është marrë ndërsa ai ishte duke vizituar një shkollë në Tuva, Rusi, u bë shpejt virale në mediat sociale.
Ajo u bë virale sidomos pasi u shpërnda nga ish-këshilltari i ministrit të Brendshëm të Ukrainës, Anton Gerashchenko, përcjell Telegrafi.
“Putin pyeti një nxënëse në Tuva se sa larg është për të që të shkojë nga shtëpia në shkollë. Përgjigja e saj bëri që drejtori i shkollës të përjetonte panik të plotë”, ka shkruar Gerashchenko në përshkrimin e videos.
Ndryshe, aty shfaqet Vladimir Putin në një shkollë, duke folur me punonjësit dhe nxënësit.
Por ajo që u bë virale ka të bëjë me momentin kur Putini flet me një vajzë të vogël, duke e pyetur se sa larg është shkolla e saj nga shtëpia e saj.
“Mjaft larg”, përgjigjet ajo, “dy kilometra”.
Putin asked a schoolgirl in Tuva how far it is for her to get from home to school. Her answer led the school principal to experience utter panic. pic.twitter.com/siLV11LkFa
— Anton Gerashchenko (@Gerashchenko_en) September 3, 2024
Në atë moment shihet drejtori i shkollës duke tentuar t’i bëjë shenjë vajzës me lëvizje të kokës që të mos thotë se sa larg jeton nga shkolla.
Dhe duke qenë se para tij gjendej njeriu kryesor që nisi luftën kundër Ukrainës, ai u pa në gjendje paniku të plotë.
Kur vajza iu përgjigj Putinit, drejtori i shkollës u thirr menjëherë për një ‘raport’.
“Si do të shkojnë fëmijët në shkollë?”.
Ky i fundit i përgjigjet se do të organizojë autobusë dhe minibusë dhe më pas fillon të murmuritë nën zë dhe biseda nuk dëgjohet më. /Telegrafi/