Telegrafi

Drejtoria e Bujqësisë subvencionon bujqit e Komunës së Gjakovës me pajisje bujqësore

Gjatë ditës së sotme Komuna e Gjakovës, më saktësisht Drejtoria për Bujqësi, Pylltari dhe Zhvillim Rural ka bërë shpërndarjen e 105 pajisjeve bujqësore për bujqit e kësaj komune.

Nga ky subvencionim i cili kap vlerën e 117,800 eurove, kanë përfituar 85 fermerë të Komunës së Gjakovës, të cilët u shprehën se këto pajisje të subvencionuara nga Drejtoria e Bujqësisë janë të mirëseardhura, dhe paraqesin një lehtësim për punën që ata e kryejnë.

I pranishëm në shpërndarjen e këtyre pajisjeve bujqësore, ishte edhe kryetari i Komunës së Gjakovës, i cili tha që ky lloj subvencionimi shpërblehet me një varg benefitesh.

“Komuna e Gjakovës në vazhdimësi bën përpjekje për të rritur vlerën e subvencionimit në bujqësi, sepse ky lloj subvencionimi shpërblehet me një varg benefitesh siç janë, rritja e prodhimit, rregullimi i çmimeve, ulja e importit, të cilat pashmangshëm ndikojnë në zhvillimin e ekonomisë tonë në përgjithësi”, u shpreh Gjini. /Telegrafi/