Drejtori teknik i Milanit, Geoffrey Moncada, ka lënë të hapur mundësinë e shitjes së dy lojtarëve francezë, Theo Hernandez dhe Mike Maignan.
Nëse dyshja nuk arrijnë marrëveshje për rinovimin e kontratave, atëherë do të shiten në afatin kalimtar veror, sipas Moncada në një intervistë për DAZN.
Kontratat aktuale të dyshes franceze skadojnë në vitin 2026 dhe Milani nuk synon t’i mbajë ata në ekip deri në vitin e fundit të kontratës pa një marrëveshje të re.
“Nuk mund t’i lëmë të largohen si transfere të lira. Kemi punuar shumë dhe duket se lojtarët janë të lumtur me ne”, ka potencuar Moncada.
Së fundmi, Hernandez është përballur me kritika të ashpra pas ndëshkimit me karton të kuq në ndeshjen e Milanit kundër Feyenoordit në Ligën e Kampionëve, ku ekipi italian u eliminua me rezultat të përgjithshëm 2-1 pas dy përballjeve
Mbrojtësi francez iu bashkua Milanit nga Real Madridi, ndërsa Mike Maignan u transferua nga skuadra franceze Lille. /Telegrafi/