Drejtori sportivi i Manchester Cityt, Txiki Begiristain ka folur pas hedhjes së shortit, e cila i pa ata të kenë si kundërshtar gjermanët e Schalkes.
Kampioni anglez do të luajë ndaj Schalkes në të 16-tën e fundit të Ligës së Kampionëve dhe kjo ndeshje nuk do të jetë aspak e lehtë sipas Begiristain.
“Kjo garë gjithmonë është shumë e vështirë. Ishte një short i madh dhe ndeshje të mëdha do të vijnë”, ka thënë fillimisht Begiristain për BT Sport.
“Disa klube po kanë luhatje në ligat e tyre, por janë shumë të forta në Ligën e Kampionëve”.
"Big games are coming!" #UCLDraw pic.twitter.com/r4lYhncxLQ
— Manchester City (@ManCity) December 17, 2018
“Klubet gjermane janë shumë të forta dhe të rrezikshme, sidomos me lojën e tyre në mesin e fushës”.
“Ne duhet të jemi shumë të mirë në mesin e fushës ndaj tyre”.
“Nëse nuk do të vrapojmë gjatë gjithë kohës, ata do të fitojnë. Ne duhet të mbajmë kontrollin e topit dhe ritmin e lojës”.
“Nëse ne fillojmë të vrapojmë nga zona në zonë, në atë që ato janë më të mirët atëherë do të fitojmë”, përfundoi drejtori sportivi i Cityt. /Telegrafi/