E ardhmja e Ernesto Valverdes si trajner i Barcelonës duket në dyshim serioz, pasi që klubi ka mbajtur takime me ish-mesfushorin Xavi Hernandez.
Legjenda spanjolle është trajner i klubit nga Katari, Al-Sadd, ndërsa pikërisht nga ky klubi kishin thënë se katalunasit janë në bisedime me ish-lojtarin e tyre.
“Po zhvillohen bisedime ndërmjet Xavit dhe Barcelonës dhe i urojmë sukses nëse vendos të shkojë”, ka thënë drejtori sportiv i Al-Sadd, Muhammad Ghulam Al Balushi, për televizionin Alkass.
Nga Barca kanë thënë se një delegacion i klubit është takuar me Xavin në Doha të premten, por duke mos e treguar natyrën e takimit.
Nga ana tjetër, bëhet e ditur se spanjolli e ka refuzuar ofertën që ta marrë drejtimin e Barcelonës në mes të sezonit dhe pritet që të bëhet trajner i Blaugranëve nga vera e ardhshme. /Telegrafi/