Hans Kluge, drejtor i Organizatës Botërore të Shëndetësisë (OBSH) për Evropë, ka bërë të ditur se nesër (e diel) do të vijnë vaksinat e para kundër Covid-19 në Kosovë.
Në llogarinë e tij zyrtare në Twitter, Klug fillimisht ka publikuar fotografi të nijses së vaksinës për shtetin e Bosnje Hercegovinës.
Por, pastaj është pyetur nga një komentues se kur do të dërgohen vaksinat në Kosovë.
Përgjigja e tij ishte e shkurtë “Nesër”.
Duhet theksuar se vendet e rajonit tashmë kanë nisur fushatën e vaksinimit kundër coronavirusit.
Vetëm Kosova ende nuk ka siguruar asnjë vaksinë kundër sëmundjes COVID-19.
Më herët, autoritetet kanë thënë se në Kosovë gjatë marsit do të arrijë kontingjenti i parë me vaksina të kompanisë britanike, AstraZeneca.
Ky kontingjent është në kuadër të 100.800 dozave që Kosova do të marrë falas përmes programit COVAX të Organizatës Botërore të Shëndetësisë, njofton Telegrafi.
