Drejtori i Qendrës Rajonale për Trashëgimi Kulturore në Gjakovë, Osman Gojani, ka marrë pagë të plotë dhe në mënyrë të rregullt, ani pse ka 5 vite që i ka skaduar kontrata.
Këtë gjë e ka bërë të ditur Auditori, i cili në raportin e fundit thotë se ky drejtor vazhdon ta marrë rrogën ani pse që nga dhjetori është pa kontratë, shkruan gazetametro.
“Drejtori i Institutit për Mbrojtjen e Monumenteve të Kosovës në Gjakovë vazhdon të punojë dhe paguhet nga MKRS edhe pse kontrata i ka skaduar që nga dhjetori 2013”, thuhet në raportin e Auditorit.
Ndërkaq, Auditori ka gjetur edhe disa parregullsi në raportin e fundit për vitin 2017. Ky institucion i ka dhënë dhjetëra rekomandime Ministrisë.
Ndërkohë, vetë Auditori bën të ditur se drejtorit Osman Gojani vetëm para 23 ditësh i ishte lëshuar aktemërimin.
