Drejtori për Mbrojtje dhe Shpëtim në Komunën e Rahovecit, Kujtim Dina, ka dhënë dorëheqje nga kjo pozitë për të vazhduar jetën në Gjermani.
Lajmin e ka bërë të ditur kryetari i Rahovecit, Smajl Latifi, përmes një postimi në Facebook.
“Për gjashtë muaj në këtë pozitë, Kujtimi ka dëshmuar se është një koleg dhe bashkëpunëtor i mirë, e me kontributin e çmueshëm që ka dhënë si dhe me punën e përkushtuar që ka treguar, jam i bindur se, ai i ka kryer mirë dhe me nder detyrat dhe shërbimet ndaj qytetarëve në kuadër të përgjegjësive të tij, për çka unë e falënderoj sinqerisht dhe i uroj atij mbarësi dhe suksese në të ardhmen”.
“Kërkesa për lirim nga kjo pozitë ka të bëj me arsye familjare dhe profesionale të Kujtimit, i cili ka vendosur t’i bashkëngjitet familjes për të qëndruar e vazhduar me punë jashtë vendit, në Gjermani”, ka shkruar ai. /Telegrafi/
