Drejtori i Institutit për Shëndet Publik, Shaban Memti thotë se gjendja epidemologjike në shtet është stabile dhe se është zvogëluar numri i rasteve të reja në krahasim me javën e kaluar.
“Nga numri i përgjithshëm i testeve, 18.8% janë pozitiv, ndërsa për 45% është ulur numri i rasteve të vdekjes për dallim nga java e kaluar. Në spitale mjekohen rreth 420 pacientë, që është për 30% më pak në krahasim me javën e kaluar”, tha Memeti.
Sipas tij, duke pasur parasysh zvogëlimin e rasteve, KSI planifikon të heq disa kufizime, edhe pse sipas Memetit, duhet të ketë kujdes.
“Kemi kapacitet të bëjmë deri në 3.000 teste në ditë dhe bëjmë rreth 400. Duhet të kërkohet sqarim nga ministria pse nuk lejohet testimi për shumë pacientët, dhe ata janë të detyruar të paguajnë për këto shërbime”, tha ai./Telegrafi/