Në rrjetet sociale sot është publikuar video ku dëgjohet biseda në mes një grupi të nxënësve dhe drejtorit të Gjimnazit në Prilep ‘Mirçe Acev’, Kire Nikolloski, përcjell Telegrafi Maqedoni.
Ai u flet nxënësve se do të ishte katasrofale nëse zbatohet Deklarata e partive shqiptare dhe nëse futet dygjuhësia në të gjithë territorin e shtetit.
Nikolloski për NOVA TV ka konfirmuar se është zëri i tij në video dhe se nxënësve u ka folur si drejtor i Gjimnazit dhe se ai personalisht e kundërshton Deklaratën shqiptare dhe rënimin e interesave të shtetasve maqedonas.
‘Unë si drejtor u them. Mos dhashtë Zoti të zbatohet ajo çka thuhet për dygjuhësinë në tërë territorin e shtetit. Personalisht në vitet kur kam qenë në vitet 1989, 1990 jam angazhuar në luftë për pavarësinë e Maqedonisë. Nëse ndodh të futet dygjuhësia, ndërrimi i himnit, flamurit, simbole shqiptare në kartmonedha…’, dëgjohen fjalët e drejtorit Nikollovski në video.
Në inçizim dëgjohet sesi nxënësit thonë se profesorët nuk guxojnë të protestojnë në vendin e punës, kurse njëra nga nxënësit i drejtohet drejtorit me këto fjalë:
‘Drejtor, është turp në institucionet arsimore ju të mbani fjalime politike’.
Drejtori Nikolloski ka deklaruar se nuk ndjehet përgjegjës për mbajtjen e fjalime të atilla para nxënësve. Ajo çfarë ka folur thotë drejtori se ‘nuk ka lidhje me politikën, por u ka treguar fëmijëve se nuk është mirë të rënohn interesat nacionale maqedonaese’. Ai ka pranuar se është zëri i tij në video-inçizimin, por ai shton se ka biseduar me ata nxënës të cilët nuk kanë shkuar në protesta me qëllimin pë t’i binduar që të shkojnë.
Ndonëse, nuk është hera e parë që të thirren nxënësit në protesa ose të përfshihen në politikë. Javën e kaluar në Gjimnazin ‘Josip Broz Tito’ në Shkup nxënësit ishin liruar prej orëve mësimore të dalin në protesta të iniciativës ‘Për Maqedoni të bashkuar’. /Telegrafi/
