Donald Trump nuk do të lejohet të kthehet në Twitter nëse kandidon sërish për ndonjë post publik, tha drejtori financiar i kësaj kompanie, Ned Segal.
“Mënyra se si funksionon platforma jonë është se sapo të jeni hequr, kjo është ajo. Nuk ka rëndësi nëse jeni një komentator i rregullt, një CFO apo një ish-zyrtar publik”, tha Segal.
Duhet të kujtojmë se që nga trazirat në Capitol Hill, ish-presidenti amerikan jo vetëm që është “shënjestruar” nga kundërshtarët politikë, por edhe rrjetet tradicionale sociale nuk kanë qenë kurrë më agresive në ndalimin e llogarive të tij, ose heqjen e postimeve dhe videove në të cilat shfaqet dhe adresohet republikani, raporton newsweek.
Kryesisht, arsyet e këtyre kufizimeve ishin gjuha e urrejtjes ose thirrjet për dhunë.
Ndër të parët, rrjeti social Twitter njoftoi se kishte bllokuar përgjithmonë llogarinë e ish-presidentit tani të SHBA, për shkak të “rrezikut të nxitjes së mëtejshme të dhunës”.
“Pas një rishikimi të hollësishëm të cicërimave të fundit nga llogaria @realDonaldTrump dhe kontekstit rreth tyre, ne e kemi pezulluar përfundimisht llogarinë për shkak të rrezikut të nxitjes së mëtejshme të dhunës”, njoftoi Twitteri. /Telegrafi/
"The way our policies work, when you're removed from the platform, you're removed from the platform whether you're a commentator, you're a CFO or you are a former or current public official," says $TWTR CFO @nedsegal on if President Trump's account could be restored. pic.twitter.com/ZZxascb9Rz
— Squawk Box (@SquawkCNBC) February 10, 2021