Umberto Gandini konfirmon se Silvio Berlusconi do të shesë Milanin dhe kjo mund të përfundojë, teksa ata janë në SHBA.
Një konsorcium kinez është në bisedime të avancuara për të blerë kuqezinjtë, por marrëveshja ka qenë e rrethuar nga vonesat dhe ndryshimet e planit.
Megjithatë, mund të ketë dritë në fund të tunelit, pasi drejtor ekzekutiv i klubit deklaron se një marrëveshje është afër.
“Ne kemi shkuar në një kohë shumë të vështirë, për arsyeje të ndryshme. Ne kemi ndryshuar në mënyrë të paparë në krahasim me 27 vitet e kaluara. Në kemi humbur një grimë të kulturës tonë dhe jemi të paduruar duke u përpjekur për të fituar statusin tonë”, deklaroi fillimisht Gandini.
“Mos harroni se kemi fituar Ligën në sezonin 2010/11 dhe kemi luajtur në Ligën e Kampionëve për herë të fundit në sezonin 2013/14 përballë Atletico Madrid, pas dështimit për t’u kualifikuar në Evropë për dy sezone rresht”.
“Si çdo gjë në jetë, sidomos në sport, ka një cikël. Ne 30 vite të presidencës, Berlusconi ka fituar 28 trofe dhe personalisht kam qenë pjesë e drejtuesve për gjashtë finale të Ligës së Kampionëve, me një rekord prej 50%. Çdo lojtar i madh mbërriti në Milan, tani shumë gjëra kanë ndryshuar”.
“Serie A nuk është më një objektiv kryesor. Ekonomia në Evropë dhe në Itali nuk është aq e fortë dhe ka çuar në ardhjen e investitorëve të huaj. Nëse e keni shikuar rastin e Interit të Morattit se si e shiti klubin, kur askush nuk e priste atë, tani është shitur në investitorë të huaj kinez”
“Dhe nga ana jonë, ne jemi duke bërë të njëjtin proces, i cili do të përfundojë në ditët kur në të jemi në SHBA. Edhe presidenti Berlusconi është duke e shitur klubin pas 30 vitesh në një fond kinez”, përfundoi drejtori ekzekutiv i Milanit. /Telegrafi/.