Konferenca Growth Tank e cila mbahet në kuadër të Ditës Ndërkombëtare të Social Media do të mbledh folës vendor dhe ndërkombëtar të strukturave më të larta të cilët do të jenë pjesë e paneleve kryesore me tema me interes për adhuruesit e Marketingut Digjital në Kosovë.
Një nga folësitë e parë të prezantuar nga Growth Tank është z. Kristian Kabashi – i cili mban pozitën e Drejtorit Ekzekutiv Global për Transformim të Biznesit në njëren nga kompanitë më të mëdha të Marketingut Dixhital në botë. z. Kabashi si dhe është themelues i Kompanisë zvicërrane Numarics, kompani kjo e cila ka fituar çmimin aplikacioni i vitit 2021 ne Zvicërr. Ai është një ekspert në teknologjitë në zhvillim me një kuptim të thellë të integrimit të tyre në procese të përdorshme.
Z. Kabashi do të jetë pjesë e panelit “Social Media as a Growth Accelerator”, ku do të flas më shumë rreth rëndësisë së përpilimit të një strategjie ideale për Social Media, e cila do të ndikoj direkt në rritjen e biznesit. Gjithashtu, ky panel do të tregoj më shumë detaje rreth barrierave të cilat bizneset mund t’i hasin gjatë operimit të tyre.
Kjo konferencë mbahet me datë 30 Qershor 2022, nga ora 14.00 në Kino Armata.
Për më shumë informata:
Email: info@growzillas.com
Tel: 049 999 842
Facebook: Growth Tank
Instagram: growth_tank