Një operacion i madh policor është duke u zhvilluar në Shtutgart të Gjermanisë, ku një person i armatosur identiteti i të cilit ende nuk dihet është duke mbajtur disa persona peng në një zyrë ligjore.
Njëri nga policët ka bërë të ditur, se dyshohet se dy persona brenda ndërtesës janë arrestuar, raporton Bild, transmeton Telegrafi.
Një grua e cila ka shtëpinë afër zyrës ligjore, pretendon se ka parë një burrë duke hyrë në ndërtesë, me ç’rast ka njoftuar policinë.
Policia ka siguruar zonën afër ndërtesës, dhe ka mbyllur linjat e metrosë që qojnë në atë pjesë të qytetit. /Telegrafi/
