Disa pasagjerë që po udhëtonin me një traget në Indonezi, kanë kërcyer në ujë duke notuar deri në brigje, pasi që autoritetet janë munduar ta bllokojnë para se të arrijë në port pasi dyshohej se disa anëtarë të ekuipazhit janë infektuar me coronavirus.
Trageti kishte mbetur i bllokuar derisa po tentonte t’i afrohej portit Maumere në lindje të Flores, nga frika se tre anëtarë të ekuipazhit kanë infektuar pasagjerët, transmeton Telegrafi.
Megjithatë, disa pasagjerë kërcyen në det dhe notuan deri në brigje, duke mos dashur t’i ekspozohen virusit por as edhe karantinimit në anije.
Lima penumpang kapal Lambelu nekat melompat kelaut setelah mengetahui ada tiga ABK positif Corona. Mereka melompat setelah kapal terombang-ambing selama 18 jam dan dilarang bersandar. DUL#iNews #iNewsMalam #CoronaVirus #Corona #BersatuHadapiCorona #Lambelu #ABK pic.twitter.com/43imBSL5HL
— SeputariNewsRCTI (@SeputariNews) April 8, 2020
“Lusim pasagjerët të bashkëpunojnë bazuar në protokollin e ministrisë së Shëndetësisë, para se të dalin nga anija dhe të përmbahen nga çfarëdo veprimi që do të ishte i rrezikshëm për të gjithë”, ka deklaruar Visnu Handoko, zyrtar i ministrisë së Trafikut, pak momente para disa pasagjerë të kërcenin në det.
Trageti po transportonte 225 pasagjerë, kryesisht punëtorë që po ktheheshin në shtëpi nga Malajzia, pasi shteti fqinj kishte mbyllur kufijtë e saj për shkak të coronavirusit. Por, në fund tragetit i është lejuar të ndalet në port, kurse pasagjerët janë futur në karantinë në një objekt afër portit.
Deri më tani Indonezia ka regjistruar 2.956 raste me COVID-19, kurse 240 tjerë kanë humbur jetën. Numri më i madh i rasteve të konfirmuara janë regjistruar në Xhakarta. /Telegrafi/