Franca mundi Danimarkën 33:31 në një finale dramatike pas kohës shtesë dhe fitoi titullin e Kampionatit Evropian për herë të katërt në historinë e saj (2006, 2010 dhe 2014).
Ishte një ndeshje fantastike, një klasike e vërtetë e hendbollit botëror, në të cilin të dyja skuadrat ishin në epërsi gjatë gjithë kohës dhe kryesuesi ndërrohej shpesh.
Në kohën e rregullt, ndeshja u mbyll 27:27, ku Danimarka pati sulmin e fundit për të fituar, por nuk ia doli dhe loja kaloi në kohë shtesë.
What will happen next? 😱
🇫🇷 27:27 🇩🇰#ehfeuro2024 #heretoplay #FRADEN pic.twitter.com/zTeZF7nJjg
— EHF EURO (@EHFEURO) January 28, 2024
Në kohën shtesë luhej vazhdimisht gol për gol. Danimarka do të merrte epërsinë, por Franca do të kthehej menjëherë.
Koha shtesë e parë përfundoi 28:28. Në të dytën, Franca e nisi më mirë dhe kaloi në epërsi për herë të parë 30:29, e më pas 31:29 në tre minuta para.
Në shtesën e dytë, Danimarka u fundos në mënyrë dramatike dhe filloi të bënte gabime të pakuptueshme, të cilat Franca dinte t’i ndëshkonte.
Nga kjo përfitoi Franca, që në fund fitoi 33:31.
𝐄𝐮𝐫𝐨𝐩𝐞𝐚𝐧 𝐜𝐡𝐚𝐦𝐩𝐢𝐨𝐧𝐬: France 🇫🇷
𝙂𝙧𝙪𝙣𝙙𝙛𝙤𝙨 𝙋𝙡𝙖𝙮𝙚𝙧 𝙤𝙛 𝙩𝙝𝙚 𝙈𝙖𝙩𝙘𝙝 ⭐️ 🇩🇰 Emil Nielsen ⭐️#ehfeuro2024 #heretoplay @FRAHandball pic.twitter.com/2pMg4mxD8Q
— EHF EURO (@EHFEURO) January 28, 2024
Ludovic Fabregas ishte golashënuesi më i mirë i francezëve me tetë gola, ndërsa Mikkel Hansen ishte më i miri te danezët me nëntë gola.
Në finalen e tyre të katërt, francezët fituan titullin e katërt të kampionit evropian. Në ndeshjen për medaljen e bronztë, Suedia mposhti Gjermaninë me 34:31. /Telegrafi/