Borussia Dortmund do të ketë një trajner të ri për sezonin e ardhshëm.
Gjiganti gjerman nuk ka arritur pritshmëritë këtë edicion dhe ka shkarkuar trajnerin Lucien Favre javë më parë, ndërsa tani udhëhiqet nga ndihmësi i tij Edin Terzic.
Por as boshnjaku nuk do ta ketë besimin e drejtuesve të klubit për edicionin e ardhshëm, pasi Dortmund ka zgjedhur trajnerin Marco Rose që aktualisht është pjesë e Borussia Moenchegladbach.
Lajmin e ka bërë të ditur vetë klubi i Gladbah, që nëpërmjet një njoftimi në rrjetet zyrtare zbardhi marrëveshjen e Rose me Dortmundin.
Aktualisht, Rose ka udhëhequr me sukses ekipin e tij aktual duke qenë se është në garë për të siguruar një vend në garat evropiane, megjithatë duke filluar nga sezoni i ardhshëm duhet të nisë të mendojë për objektiva shumë më të rëndësishëm teksa do t’i jepet një mundësi e artë për të qenë më shumë në qendër të vëmendjes.
Rose kishte një klauzolë largimi nga Gladbach, klauzolë të cilën e ka paguar Dortmund dhe që besohet se ka qenë pesë milionë euro.
44-vjeçari është në krye të Borussia Moenchegladbach që nga viti 2019, derisa më herët ka drejtuar edhe gjigantin austriak RB Salzburg. /Telegrafi/
ℹ️ Marco #Rose has opted to leave Gladbach at the end of the season and join Borussia Dortmund.#DieFohlen pic.twitter.com/sSDDU679gO
— Gladbach (@borussia_en) February 15, 2021