Ministria për Forcën e Sigurisë ka mbajtur ceremoninë e dorëzimit të certifikatave të pranimit në Akademinë Ushtarake West Point të dy kadetëve të FSK-së, Arilena Shala dhe Yll Dalladaku.
Ministri i FSK-së, Haki Demolli tha se ndihet i nderuar për këtë ngjarje, duke theksuar se aq sa është e këndshme është edhe e rëndësishme për FSK-në dhe për gjithë Kosovën.
“Nuk ka dyshim se lajmi për pranimin e dy kadetëve ishte njëri nga lajmet me të mira për FSK-në sepse bëhet fjale për shkollimin e kuadrove”, tha Demolli.
Demolli tha se dy kadetët e pranuar në Akademinë Ushtarake West Point përveç se kanë nderuar FSK-në, familjen dhe emrin e tyre ata kanë nderuar edhe tërë Kosovën.
“Krenar që jemi në mesin e dy kadetëve Arilena Shala dhe Yll Dalladaku, është shprehur edhe komandanti i FSK-së”, tha Rrahman Rama.
Ai ka përgëzuar dy kadetët për sukseset e arritura. “Duhet të keni parasysh që rruga juaj sa ka filluar dhe ju duhet të punoni që të korrni sukses në jetën profesionale e personale”, tha Rama.
Në ceremoni po merr pjesë edhe ambasadori i SHB A-ve në Kosovë, Greg Delawie.
Ai përgëzoi dy kadetët duke thënë se kjo është një e arritur shumë e madhe.
“Shtetet e Bashkuara janë krenarë që e mbështesin Kosovën dhe çastet e tilla na bëjnë që të ndihemi krenar për mbështetjen qe ia bëjmë Kosovës”, tha Delawie.