Milani mund të nënshkruajë me njërin nga Alex Meret ose Salvatore Sirigu nëse Gianluigi Donnarumma largohet nga klubi në fund të sezonit.
Marrëveshja aktuale e Donnarumma me kuqezinjtë skadon verën e ardhshme, dhe nuk është e sigurt që portieri do të qëndrojë me klubin e tij e fëmijërisë.
Kjo për shkak se agjenti i Donnarumma, Mino Raiola, ka qenë skeptik në lidhje me projektin e Milanit dhe ka qenë gjithnjë kritik ndaj grupit të “Elliott Management” që zotëron këtë klub.
Tuttosport shkruan se nëse Donnarumma duhet të largohej nga Milani këtë verë, atëherë kuqezinjtë do të drejtoheshin që të merrnin njërin mes Sirigut ose Meretit.
Meret u ble nga Napoli për rreth 35 milionë euro para dy vitesh nga Udinese, por trajneri Rino Gattuso i beson më shumë David Ospinas.
Sirigu ndërkohë është në Torino që nga viti 2017, por besohet se dëshiron një shans të fundit me një klub të madh para se të pensionohet. /Telegrafi/