Ka para për masën më të fundit për të hequr kuotat e ilaçeve, tha sot drejtori i Fondit Shëndetësor, Dan Donçev për emisionin “Top Tema”.
Siç theksoi Donçev në debat, të ardhurat e Fondit për vitin 2020 do të jenë mbi 100 milionë euro më të larta se ato në vitin 2018 falë politikave dhe lëvizjeve aktuale ekonomike.
Ai gjithashtu njoftoi se do të zbatohet edhe reforma bazë e planifikuar e listës pozitive.
“Heqja e kuotave të ilaçeve është një lajm i mirë, i këndshëm, për të mirën e të gjithë qytetarëve. Përfitime do të kenë të gjithë të siguruarit. Çdokush nga çdo barnatore do të mund të marrë ilaçin e vet në çdo kohë. Eleminimi i sistemit të kuotave do të zgjidhte problemin dekadash të mungesës së ilaçeve që ishte veçanërisht e dukshme në muajt e dimrit”, sqaroi Donçev./Telegrafi/