Ylli i WNBA -së, Brittney Griner, është kritikuar nga Donald Trump pasi shkoi në Rusi “e ngarkuar me drogë”.
Ish-Presidenti i Shteteve të Bashkuara u shfaq në “Clay Travis & Buck Sexton Show” dhe u pyet në lidhje me ndalimin e Griner në Rusi.
76-vjeçari nuk është përmbajtur pasi ka përplasur brutalisht basketbollisten për veprimet e saj.
“Ajo hyri atje e ngarkuar me drogë në një territor armiqësor ku ata janë shumë vigjilentë për drogën. Nuk u pëlqen droga dhe ajo u kap”, dekaroi Trump.
“Dhe, tani ne duhet ta nxjerrim jashtë, dhe ajo fiton, e dini, shumë para, mendoj. Ne duhet ta nxjerrim atë për një vrasës absolut dhe një nga tregtarët më të mëdhenj të armëve në botë. Vrau shumë amerikanë. Vrau shumë njerëz”.
Trump shtoi: “Sigurisht që nuk duket si një tregti shumë e mirë, apo jo? Ai është absolutisht një nga më të këqijtë në botë dhe do t’i jepet liria sepse një person potencialisht e llastuar shkon në Rusi e ngarkuar me drogë”.
Megjithatë, pretendimi e ‘ngarkuar me drogë’ i bërë nga Trump mund të bjerë në vesh të shurdhër pasi është raportuar se kur Griner u deklarua fajtor në gjykatë, ajo deklaroi se ajo solli aksidentalisht marihuanë në Rusi pasi u rekomandua nga një mjek në SHBA për ta ndihmuar me dhimbjet nga lëndimet e vjetra.
Sipas raportimeve, SHBA po shqyrtojnë shkëmbimin e Griner me tregtarin e dënuar të armëve Viktor Bout, i cili njihet si “Tregtari i vdekjes”.
Sipas TMZ Sport, kongresmeni amerikan Colin Allred tha se i takon Rusisë ta pranojë marrëveshjen.
Griner është arrestuar pranë Moskës që nga fundi i shkurtit pasi zyrtarët rusë kontrolluan çantën e saj dhe gjetën vaj hashashi. Ajo u deklarua fajtore dhe tani është në pritje të dënimit të saj, ylli i WNBA potencialisht mund të përballet me një dënim deri në 10 vjet.
E vetmja mënyrë që ajo të shpëtojë nga Rusia duket se është shkëmbimi i të burgosurve. /Telegrafi/
