Donald Trump ka premtuar të blejë një Tesla në shenjë mbështetjeje për Elon Musk.
Hapi i tij vjen pasi aksionet në prodhuesin e makinave elektrike ranë 15 për qind, të shkaktuara nga frika mbi politikat ekonomike të presidentit amerikan.
Rënia e së hënës “fshiu fitimet për aksionet” që nga fitorja e zgjedhjeve të Trump dhe i lë ato më shumë se 50 për qind nën një rekord të lartë në dhjetor.
Pas shitjes, Trump tha në platformën e tij “Truth Social” se do të blinte një Tesla “të re” të martën “si një shfaqje besimi dhe mbështetjeje për Elon Musk, një amerikan me të vërtetë i madh”, përcjell Telegrafi.
Ai shtoi: “Të çmendurit e Majtë Radikalë, siç bëjnë shpesh, po përpiqen të bojkotojnë ilegalisht dhe në mënyrë të fshehtë Tesla-n”.
Aksionet e Tesla-s u rritën në javët pas zgjedhjeve në nëntor pasi Trump zgjodhi Musk, i cili dhuroi më shumë se 100 milionë dollarë për fushatën e republikanëve, për të udhëhequr një përpjekje për uljen e kostove në të gjithë qeverinë. /Telegrafi/