Kandidatja demokrate i është përgjigjur pozitivisht thirrjes së republikanit për një debat televiziv.
Zëvendëspresidentja amerikane, Kamala Harris tha se është gati të debatojë me ish-presidentin, Donald Trump.
“Kam rënë dakord për debatin e rënë dakord më parë për 10 shtator”, tha ajo.
“Unë mendoj se votuesit meritojnë të shohin ekranin e ndarë që ekziston në këtë garë në një skenë debati. Prandaj, jam gati, le të shkojmë”, shtoi 59-vjeçarja, raporton cnn.
Ndërkohë, Trump tha se do të marrë pjesë në debat, por se ka një kusht. Ditët e fundit, republikani ka këmbëngulur që Fox News të mbajë debatin më konservator sepse ai beson se ABC është i njëanshëm.
“Unë mendoj se nëse je një kandidat demokrat ose republikan, ke vërtet një detyrim të debatosh”, tha Trump.
Ndryshe, fushata e Trumpit dhe presidentit amerikan, Joe Biden kishin rënë dakord më parë për dy debate këtë vit, një të organizuar nga CNN në muajin qershor dhe një tjetër që do të organizohej nga ABC më 10 shtator. Nuk është e qartë nëse ai debat do të zhvillohet ende tani që 81-vjeçari është larguar nga gara presidenciale.
Ndërkohë, Fox News ka propozuar një debat presidencial mes Trumpit dhe Harrisit më 17 shtator. Harris në fjalën e saj sot nuk shtjelloi nëse do ta pranonte debatin e propozuar nga Fox News. /Telegrafi/