Site icon Telegrafi

Donald Trump: E kam kaluar coronavirusin

Presidenti i SHBA-së, Donald Trump tha në një intervistë për Fox News se nuk është më i infektuar me COVID-19 dhe nuk është një rrezik transmetimi për virusin.

I pari i shtetit amerikan tha se testet treguan se është në gjendje të kthehet në fushatë pa rrezikuar të tjerët, raporton reuters.

“Kam kaluar provën më të lartë, standardet më të larta dhe jam në formë të shkëlqyeshme”, tha Trump në Fox News Channel. “Duket sikur jam imun. Mund të dal nga bodrumi. ”

Gjithashtu edhe mjeku tha të shtunën se presidenti nuk përbën më rrezik, por nuk tregoi nëse ka kaluar coronavirusin.

Lexo po ashtu Mjeku i Shtëpisë së Bardhë thotë se Trump nuk rrezikon të infektojë të tjerët me COVID-19, deklarata nuk potencon që ai ka rezultuar negativ

Bazuar në deklaratën e mjekut të Shtëpisë së Bardhë, Sean Conley, presidenti Donald Trump, nuk rrezikon ta transmetojë coronavirusin tek të tjerët.

Ndryshe, tashmë është anuluar debati i dytë presidencial mes Trumpit si dhe demokratit, Joe Biden. /Telegrafi/

Exit mobile version