Presidenti i Shteteve të Bashkuara, Donald Trump sapo u bë presidenti i parë amerikan i cili vendos këmbën në Korenë e Veriut.
Përmes një shkrimi në rrjetin social, Trump tha se dëshironte ta takonte Jong Un sa për ta përshëndetur.
After some very important meetings, including my meeting with President Xi of China, I will be leaving Japan for South Korea (with President Moon). While there, if Chairman Kim of North Korea sees this, I would meet him at the Border/DMZ just to shake his hand and say Hello(?)!
— Donald J. Trump (@realDonaldTrump) June 28, 2019
Pas shtrëngimit të duarve të tij me Kim Jong Un, Trump tha se ishte “një nder i madh të jem këtu”, përcjell Telegrafi.
Trump ka vizituar Korenë e Jugut pas samitit të G20 në Japoni.
Ai mbërrin në Seul të shtunën për një udhëtim dyditor që synon krijimin e bisedimeve të thella për denuklearizimin e Koresë së Veriut.
Trump dhe Jong-Un zhvilluan takimin e parë historik, vitin e kaluar në Singapor, ndërsa në muajin shkurt të këtij viti u takuan për herë të dytë në Vietnam. Ishte pikërisht samiti i fundit që riktheu dyshimet mes palëve. Përballë rezistencës së Trump për të hequr përfundimisht sanksionet, lideri komunist vendosi të braktisë takimin.
Pas këtij dështimi, agjencitë amerikane të sigurisë kanë shfaqur prova se Koreja e Veriut po zhvillon sërish programin raketor. /Telegrafi/