Reperi i njohur shqiptar, Don Phenom, ka publikuar projektin e ri muzikor.
Këtë herë ai ka bashkuar forcat me artistin Dichy, ndërsa kjo këngë e titulluar “Njo si ti” vjen e kompletuar edhe nga ana vizuale.
Muzikën dhe miksimin e këtij projekti e ka realizuar Cekic Beats, kurse klipi i është besuar produksionit, “Max Production”.
Kënga tashmë gjendet në platformën YouTube dhe pritet të ketë suksesin e merituar nga publiku.
Don Phenom këtë vit publikoi një sërë projektesh, të cilat u pritën mjaft mirë nga publiku, e që famë të madhe gëzoi me projektin “Columbiana” në bashkëpunim me Taynën.
Reperi në fjalë këtë vit nuk mungoi as në mbrëmje e koncerte të ndryshme muzikore mbarë trojeve shqiptare. /Telegrafi/
