Tashmë është publikuar programi i plotë i një nga konferencat më me renome të teknologjisë në Ballkan, DOKU.TECH, organizuar nga IPKO Foundation, e cila rikthehet pas dy vitesh në Prizren, në kuadër të Festivalit të Filmit, Dokufest.
Lexo më shumë: Eventi në Facebook
Ky edicion i DOKU.TECH do të mbahet më 6 gusht, 2022, me një program të pasur në Parkun e Trajnimit dhe Inovacionit [ITP] në Prizren.
Programi do të nis në ora 13:00 me një panel diskutimi me autorin e famshëm të librit “Resisting AIAn Anti-fascist Approach to Artificial Intelligence”, Dan McQuillan. Në DOKU.TECH rikthehet edhe drejtuesi i Kompanisë Omdena, Rudradeb Mitra, i cili moderon këtë panel dhe konfronton qasjen e tij se zhvillimi i vazhdueshëm i Inteligjencës Artificiale është një gjërat më dobiprurëse për njerëzimin.
Për t’u bërë pjesë e eventit në Prizren, regjistrohu në këtë LINK.
Tutje, programi i DOKU.TECH në kuadër të Dokufest do të vazhdojë në orën 15:00 kur edhe do mbahet një punëtori me Tiara Roxanne, për kolonizim të të dhënave. Tiara, e cila vjen ekskluzivisht për DOKU.TECH dhe do t’ju mundësojë të rinjve që të mësojnë më shumë për praktikat e disa prej vendeve më me ndikim në botë në këtë fushë.
Bashkohuni me ne në DOKU.TECH, ta zgjerojmë prezencën e Kosovës në hartën e teknologjisë në botë!