Autoritetet franceze kanë paralajmëruar që ilaçet anti-inflamatore të përdorura gjerësisht mund të përkeqësojnë coronavirusin.
Ministri i shëndetësisë i vendit, Olivier Véran, i cili është një mjek dhe neurolog i kualifikuar, ka shkruar në Twitter: “Marrja e anti-inflamatorëve [ibuprofen, kortizon…] mund të jetë një faktor për përkeqësimin e infeksionit. Në rast ethe, merrni paracetamol. Nëse tashmë po merrni ilaçe anti-inflamatore, kërkoni këshillën e mjekut tuaj”, transmeton Telegrafi.
Zyrtarët shëndetësorë tregojnë se ilaçet anti-inflamatore dihet se janë një rrezik për ata me sëmundje infektive sepse ato kanë tendencë të zvogëlojnë reagimin e sistemit imunitar të trupit, shkruan The Guardian.
Ministria e shëndetësisë shtoi se pacientët duhet të zgjedhin paracetamol sepse “kjo do të zvogëlojë ethet pa kundërsulmuar me inflamacionin”.
Pacientët francezë janë detyruar të konsultohen me farmacitë që nga mesi i janarit nëse dëshirojnë të blejnë qetësues, përfshirë ibuprofen, paracetamol dhe aspirinë, për të kujtuar rreziqet.
Ministria franceze e shëndetësisë njoftoi të premten në mbrëmje se numri i rasteve të coronavirusit në vend ishte rritur me 800 brenda 24 orëve. Véran tha se kishte 3,661 raste të konfirmuara që kishin çuar në 79 vdekje. Nga të sëmurët, 154 persona janë në kujdesin intensiv. /Telegrafi/