Telegrafi

Doktorët që i shpëtuan jetën tifozit të Newcastle United, pas reagimit të shpejtë nga Reguilon e Dier

Përballja mes Newcastle United dhe Tottenham Hotspurit të dielën mbrëma pati një moment shqetësues në prag të përfundimit të pjesës së parë.

Derisa Spurs ishin duke e ekzekutuar një goditje nga këndi, Sergio Reguilon vrapoi të gjyqtari, për t’i treguar se ndeshja duhej të ndalohej, pasi një tifoz kishte rënë pa ndjenja në tribuna.

Lexo po ashtu Sergio Reguilon sqaron veprimin e tij heroik në ndeshjen Newcastle - Tottenham

Derisa gjyqtari dha sinjalin që stafi mjekësor të shkonte drejt tribunave, një intervenim i shpejtë ishte edhe nga Eric Dier që informoi mjekun Tom Prichard me atë çfarë po ngjante.

Së bashku me kolegun e tij, Prichard e kuptoi se çfarë ishte duke ndodhur dhe iu bë me dije se tifozi i Magpies kishte pësuar sulm në zemër.

Lexo po ashtu Reguilon dhe Dier, heronjët në ndeshjen Newcastle – Tottenham: Dyshja e Spurs sinjalizuan se një tifoz kërkon ndihmë urgjente

Kështu, stafi mjekësor i Spurs i bën PCR-në përkrahësit të Newcastles, duke bërë me dije se ai duhej të dërgohej më pas me urgjencë në spital.

Nga atje, u bë e ditur se tifozi ka shpëtuar falë reagimit të shpejtë nga dy lojtarët e Tottenhamit, por edhe nga stafi mjekësor. /Telegrafi/