Nga shpella e “Tham Luang” në atë të një qendre tregtare. Të dymbëdhjetë djemtë që u bllokuan për 18 ditë në një shpellë në Tajlandë më 23 gusht kanë rrëfyer historinë e tyre të trishtuar, përmes kalimit në një instilacion në formë shpelle në Bangkok.
Ata ishin ftuar për të inauguruar një qendër tregtare në kryeqytetin e Tajlandës dhe aty gjetën një riprodhim të shpellës që i mbajti peng për më shumë se dy javë.
Djemtë e ekipit të futbollit, së bashku me trajnerin e tyre, pas shpëtimit kanë rifilluar jetën normale dhe trajnimet nga shkolla dhe futbolli, por në axhendën e tyre të përditshme janë shtuar edhe konferenca për shtyp, apo programe televizive.
Back out. Pretty brave after their last caving experience #ThaiCaveRescue @SkyNews pic.twitter.com/hazgIwQO1D
— Siobhan Robbins Sky (@SiobhanRobbins) September 6, 2018
Ata gjithashtu u lutën së bashku në një tempull budist, gjithmonë me kamera të ndezura, përcjell gsh.
Pas pelegrinazhit të tyre, një ekip marketingu kujdeset për detajet më të vogla nga qeveria dhe ushtria.
Ndoshta historia e tyre do të përfundojë në Hollywood, por nuk ka mungesë të polemikave të atyre që i shohin si “marioneta” në duart e atyre që duan të bëjnë para me tmerrin që përjetuan.
Psikologët e spitalit në Chaing Rai, ku djemtë u trajtuan pas shpëtimit, kishin paralajmëruar: “Tani familjet duhet të mbajnë nën kujdes shëndetin e tyre mendor, pasi ajo që kanë jetuar nuk mund të fshihet nga mendja”.
