Në një zonë afër ish-termocentralit bërthamor të Çernobilit, pyjet po digjen, dhe përpjekjet e zjarrfikësve pengohen nga një rritje e rrezatimit radioaktiv.
Rreth 90 zjarrfikës kanë hyrë për ndërhyrje dhe janë duke u përpjekur të shuajnë një zjarr që ka prekur afro 20 hektarë, tha të shtunën Agjencia e Mbrojtjes Civile e Kievit, transmeton Telegrafi.
Dy aeroplanët dhe një helikopter u dërguan gjithashtu në zonë për të ndihmuar zjarrfikësit në shuarjen e zjarrit.
Rrezatimi radioaktiv është akoma i pranishëm pas aksidentit bërthamor të vitit 1986 dhe kjo pengoi përpjekjet e zjarrfikësve, tha agjencia, duke shtuar se nuk kishte asnjë rrezik për popullatën.
Pas shpërthimit bërthamor të Çernobilit në 1986, zonat e kontaminuara nga radioaktiviteti rreth rrënojave u mbyllën dhe mijëra persona u zhvendosën. /Telegrafi/