Keith Sapsford ishte vetëm 14-vjeç, kur u fsheh në hapësirën për vendosjen e rrotave të aeroplanit në aeroportin e Sydney në Australi. Ishte viti 1970.
Në hapësirën ku ishte fshehur, ajo hapej në mënyrë që të futen brenda rrotat e aeroplanit, dhe kështu në një moment ai mbeti i varur dhe pasi humbi forcën ra nga 60 metra lartësi dhe humbi jetën, transmeton Telegrafi.
E fotografi amator John Gilpin e ka kapur këtë moment rrëqethës nga fillimi. Fotografitë e tij janë shpërndarë këto ditë në Reddit. Gilpin pranoi se nuk e kishte ditur që kishte fotografuar momentet e fundit të jetës së të riut, që e kuptoi vetëm kur i zhvilloi fotografitë pas rrëzimit tragjik.
Ky djalosh dhe familjarët e tij kishin qenë në një udhëtim nëpër botë, për t’ia kënaqur apetitet adoleshentit që ishte i dhënë shumë pas udhëtimeve.
“E gjitha çfarë dëshironte biri im ishte të udhëtonte nëpër botë. Dëshira e tij për të parë njerëz të tjerë nëpër botë ka qenë ëndërr e fëmijërisë”, pati asokohe deklaruar babai i të ndjerit, Charles Sapsford.
“Kur u kthyem në shtëpi vendosa ta dërgojë në një shkollë që merrej ekskluzivisht me fëmijët problematik që iknin nga shtëpitë. Por Keith arriti të arratiset edhe nga ky institucion dhe shkoi në aeroportin e Sydney”, ka shtuar babai i tij. /Telegrafi/