Njëri nga djemtë e Robert Mugabe, presidentit të Zimbabvesë, ka filmuar veten duke derdhur shishen e shampanjës që kushton qindra funte mbi orët e mbuluara me diamante.
Chatunga Bellarmine Mugabe ka publikuar në Snapchat një video, ku shihet se si reklamon orët që kushtojnë 45 mijë funte, edhe përkundër faktit që vendin të cilin e udhëheq babai i tij vuan nga varfëria, transmeton Telegrafi.
Videoja është filmuar në një klub të natës, ku shihet Chatunga duke bërë jetë luksoze derisa pothuajse gjysma e popullsisë nga ai vjen vuan nga varfëria e skajshme.
Chatunga dhe vëllai i tij Robert Jr, që janë bijtë e Robert dhe Grace Mugabe, njihen për jetën luksoze që ata bëjnë, ku në shumicën e rasteve nuk mungojnë shampanja, veturat e shtrenjta e aksesorët e mbuluar me diamantë.
Shishja e shampanjës të cilën Chatunga e derdh në orët e shtrenjta, raportohet të jetë Armand de Brignac Ace of Spaces që kushton mbi 200 funte. /Telegrafi/
