David dhe Victoria Beckham kanë disa plane për djalin e tyre të vogël, Cruz. Duke qenë se në familjen e tyre po rritet një talent i vërtetë i muzikës pop, prindërit e tij të famshëm nuk kanë ndërmend që këtë ta lënë jashtë vëmendjes së tyre dhe të publikut.
Gjithçka nisi pasi ish-futbollisti e publikoi në YouTube një video të Cruz, i cili po këndonte këngën e Justin Bieber dhe duket me të vërtetë i intonuar.
Duke u nisur nga komentet pozitive të fansave te tij, tani David mendon që përpara se Cruz të bëhet adoleshent ai do të jetë idhulli i ri i muzikës pop.
“David dhe Victoria e pëlqejnë shumë Justin Bieber dhe po planifikojnë që djali i tyre të ketë të njëjtën të ardhme si Bieber. Ata kanë shpresa të mëdha që Cruz falë talentit të tij do t’i ketë dyert e hapura në botën e muzikës. Videon online ata e publikuan vetëm për t’u treguar njerëzve talentin që ai ka”, ka thënë një burim.