Djali i Angelina Jolie, Pax, u pa për herë të parë që nga përplasja e tij e tmerrshme me biçikletë elektronike në korrik, teksa doli me aktoren në Los Angeles.
Pax, 20 vjeç, i cili pësoi ‘traumë komplekse’ në përplasjen me një makinë më 29 korrik në Los Angeles – kishte një gips krahu, ndërsa vazhdonte shërimin e tij me familjen.
Dalja vjen pasi babai i larguar Brad Pitt, 60 vjeç, mori pjesë në Festivalin e Filmit të Venecias me të dashurën Ines de Ramon, 34 vjeçe, shkruan DailyMail.
Pax dukej në humor të mirë, ndërsa kalonte kohë cilësore me nënën e tij në drekë në Beverly Hills javë pas aksidentit.
Anxhelina, 49 vjeçe, kishte veshur një bluzë, triko dhe pantallona të gjera me taka të kuqe për të dalë.
Flokët e saj ishin të kapura në një bisht të hijshëm.
Angelina ka qenë në krah të Pax-it në spital që kur ai u përplas me një makinë gjatë orës së pikut në zonën e Los Feliz të Los Angeles. Ai nuk mbante helmetë në momentin e aksidentit.
Një burim i tha TMZ se dëshmitarët që jetonin aty pranë fillimisht besuan se Pax kishte vdekur në përplasje pasi e zbuluan atë të shtrirë pa jetë në tokë.
Vetëm kur mjekët mbërritën në vendngjarje, Pax rifitoi vetëdijen.
Page Six raporton se kjo nuk ishte hera e parë që i riu përfshihet në incidente me automjete me dy dhe katër rrota. /Telegrafi/
