DJ i njohur shqiptar, Regard, çdo herë e më shumë po arrin suksese të shumta në tregun ndërkombëtar të muzikës.
Ai së fundmi përmes një postimi të bërë në rrjetin social Facebook, ka njoftuar fansat se ka arritur shifrën e 20 milionë dëgjuesve mujorë në Spotify.
DJ me prejardhje nga Ferizaj ka publikuar një fotografi të profilit të tij në platformën më të madhe të muzikës, së bashku me statistikën mujore të dëgjuesve të tij.
“20 milionë dëgjues mujor në Spotify”, ka shkruar Regard në mbishkrimin e fotografisë.
Përndryshe, ai është duke vazhduar të shijojë suksesin e projektit të tij më të fundit muzikor “Say my name”, në bashkëpunim me Dimitri Vegas dhe Like Mike. /Telegrafi/
