Një klub i natës në Tunizi është mbyllur, pasi DJ Dax J nga Anglia kishte shkaktuar zemërim në mesin e qytetarëve të këtij vendi, pasi kishte lëshuar një version të remiksuar të hoxhës duke thirrur ezanin, kanë bëtë të ditur autoritet e Tunizisë.
Një video e shpërndarë nga festivali Orbit i muzikës tekno në Tunizi, ka shkaktuar zemërim në mediat sociale dhe tek qytetarët e këtij vendi, duke e cilësuar këtë veprim si akt kriminal, transmeton Telegrafi.
Guvernatori i qytetit Nabeul të Tunizisë, Mnaouer Ouertani, ka deklaruar për AFP se ky klub i natës do të vazhdojë të qëndrojë i mbyllur derisa të merret një vendim përfundimtar, kurse menaxheri i saj është arrestuar.
“Pasi është konfirmuar rasti, kemi vendosur ta mbyllim klubin e natës deri në një vendim përfundimtar. Në asnjë mënyrë nuk do të lejojmë që feja, ndjenja dhe vendet e shenjta të sulmohen në këtë mënyrë”, ka deklaruar Ouertani. /Telegrafi/
