Dita e Veteranit shënohet sot (e enjte) për të përkujtuar sakrificën, angazhimin dhe kontributin e veteranëve për sjelljen e lirisë dhe pavarësisë për popullin e Kosovës.
Po në këtë ditë vjen në kujtesë beteja e parë e familjes së komandantit legjendar, Adem Jashari në Prekaz, 30 dhjetor 1991, aty ku edhe nisi rruga e lirisë.
Përveç Prekazit, në ditën e sotme kujtohet edhe Gllogjani e të gjitha vatrat e tjera të luftës.
Një reagim lidhur me këtë e ka bërë edhe reperi i njohur nga Presheva, Arian Agushi apo Gold AG.
Artisti shqiptar ua uron Ditën e Veteranit gjithë çlirimtarëve të trojeve shqiptare.
“Urime Dita e Veteranit, gjithë çlirimtarëve të trojeve tona”, ka shkruar ai në një postim të bërë në rrjete sociale.
Gold AG deri më tani i ka kushtuar këngë disa heronjve e dëshmorëve të Kosovës që luftuan për liri. /Telegrafi/