Sot (e enjte) janë në orar për t’u zhvilluar dy ndeshjet e para të fazës gjysmëfinale në Ligën e Evropës.
Pas etheve të Ligës së Kampionëve gjatë të martës dhe mërkurës, sot radha është për garën e dytë elitare evropiane për klube.
Faza gjysmëfinale padyshim se do të jetë nxehtë edhe në Ligën e Evropës, ku kater ekipe të forta synojnë finalen.
The final four 🤩#UEL pic.twitter.com/iRGIgl1b8h
— UEFA Europa League (@EuropaLeague) April 29, 2024
Ndeshja më e fortë pritet të zhvillohet në stadiumin Olimpico, ku Roma është nikoqire e kampionit të sivjetmë gjerman, Bayer Leverkusen.
Në ndeshjen tjetër të ditës, Olympique Marseille e pret Atalantan në “Stade Velodrome”.
Të dy ndeshjet pritet të fillojnë nga ora 21:00. /Telegrafi/