Sot (e enjte) janë në orar për t’u zhvilluar dy ndeshjet kthyese të gjysmëfinaleve në Ligën e Evropës dhe do të mësohen emrat e dy skuadrave finaliste.
Pas etheve të Ligës së Kampionëve gjatë të martës dhe mërkurës, tani radha është për ethet e garës së dytë elitare për klube evropiane, Ligës së Evropës.
Pasi Interi dhe Manchester City siguruan finalen e madhe në Ligën e Kampionëve, katër klube luftojnë në Ligën e Evropës për dy vende në finalen e kësaj gare.
Bayer Leverkusen, Roma, Sevilla dhe Juventusi kërkojnë nga një vend në finalen e Ligës së Evropës, pas ndeshjeve të para me gjithçka të lënë hapur.
One game away from the final! 🏆
Who will make it?#UEL pic.twitter.com/rAif5udKmJ
— UEFA Europa League (@EuropaLeague) May 18, 2023
Ndeshja e parë zhvillohet në Gjermani, ku Leverkuseni pret Romën, me italianët që kanë triumfuar në Olimpico me rezultat minimal 1-0.
Në takimin tjetër, Sevilla e pret Juventusin në “Sanchez Pizujan” dhe gjithçka është e hapur pas barazimit 1-1 në ndeshjen e parë.
Të dy përballjet janë planifikuar të fillojnë nga ora 21:00. /Telegrafi/