Sot (e enjte) është dita e Kosovës në basketboll. Dardanët do të përballen me Irlandën nga ora 19:00, në sfidën që zhvillohet në Pallatin e Rinisë dhe Sportit në Prishtinë.
Kosova është në grup me Zvicrën, Irlandën dhe Azerbajxhanin.
Basketbollistët e Kosovës janë përgatitur nga dita e diel për këtë sfidë, derisa të hënën filluan me stërvitje intensive.
Më pas, më 25 shkurt është ndeshja në udhëtim kundër Azerbajxhanit.
Raundi i parë para-kualifikues i Kupës së Botës të Basketbollit FIBA 2027 do të luhet në tre dritare më 19-27 shkurt 2024, 18-26 nëntor 2024 dhe 17-25 shkurt 2025, nga një ndeshje në shtëpi dhe jashtë.
Të tre fituesit e grupeve së bashku me skuadrën e renditur më të mirë në vendin e dytë do të kalojnë në raundin e dytë parakualifikues të Kupës së Botës 2027 të FIBA-s, i cili do të luhet në verën e vitit 2025. /Telegrafi/