E diela e tretë e muajit nëntor, është Dita botërore e përkujtimit të viktimave në trafikun rrugor.
Kjo ditë shënohet me qëllim të përkujtimit të miliona njerëzve që humbin jetën në aksidentet rrugore, por njëkohësisht edhe për mbështetje ndaj familjarëve të viktimave.
Aksidentet e trafikut tash e sa vite nuk janë sfidë vetëm e shoqërisë dhe vendit tonë, por një shqetësim i madh global, i cili në shumicën e vendeve të botës është vrasësi më i madh i njerëzve.
Brenda 24 orëve në Kosovë kanë humbur jetën gjashtë persona si pasojë e aksidenteve në trafik.
Të premten në aksidentin në Mramur të Prishtinës kanë humbur jetën 4 familjarë, kurse dje një grua ka humbur jetën në aksident në Malishevë.
Ndërsa, viktima e gjashtë është një këmbësor i cili u godit nga një veturë në Prishtinë. /Telegrafi/
Foto nga arkivi