Xhudistja jonë, Distria Krasniqi ka kaluar në finalen e madhe në Kampionatin Evropian individual të xhudos që po mbahet në Montpellier të Francës.
Distria ka siguruar tashmë medaljen e argjendtë në kategorinë deri në 52 kilogramë, pasi gjendet në finale.
Pejania arriti në finalen e madhe pasi në gjysmëfinale mposhti në kohen shtesë italianen Odette Giuffrida, e cila i bëri tri gabime.
Në finale, Distria do të ndeshet me Amandine Buchard të Francës.
Në garë është edhe Nora Gjakova në kategorinë deri në 57 kilogramë ku lufton në repesazh për medaljen e bronztë. /Telegrafi/
