Xhudistja jonë, Distria Krasniqi ka arritur në finalen e madhe të Grand Slamit që po mbahet në Tbilisi të Gjeorgjisë.
Distria e ka nisur mirë ditën duke fituar ndeshjen e raundit të dytë ndaj Charne Griesel për të kaluar në çerekfinale të kategorisë deri në 52 kilogramë.
Në çerekfinale, xhudistja pejane u takua me belgen Amber Ryheul, të cilën gjithashtu e mposhti pa shumë vështirësi për të kaluar në gjysmëfinale.
Në gjysmëfinale, Distria arriti të mposht me ‘ippon’ gjermanen Mascha Ballhaus për të siguruar finalen e madhe.
Në finale të kategorisë deri në 52 kilogramë, kampionia jonë do të përballet me Diyora Keldiyorova nga Uzbekistani.
Kështu, Distria e ka siguruar tashmë medaljen e argjendtë, por synon të artën. /Telegrafi/
