Distria Krasniqi ka kaluar në gjysmëfinale në Grad Prixin e Antalyas pasi ka mposhtur serben Andrea Stojadinov.
Xhudistët nga Kosova po vazhdojnë me reprezentim dinjitoz në çdo garë që po marrin pjesë.
I tillë është edhe Grand Prixi i fundit që po mbahet në Antalya të Turqisë, ku po shkëlqen Distria Krasniqi.
Xhudistja pejane ka arritur të kalojë në gjysmëfinale të këtij Grand Prixi, pasi ka mposhtur në çerekfinalen serben Stojadinov në kategorinë deri në 48 kilogramë.
Në gjysmëfinale, xhudistja jonë do të takohet me koreano-jugoren, Yujeang Kong.
Në ndeshjen e parë, Distria kaloi pa lojë, ndërsa në ndeshjen e dytë e mposhti turken Gulkader Senturk. /Telegrafi/
