Distria Krasniqi është kualifikuar në gjysmëfinale të Grand Slamit të xhudos që po mbahet në Budapest të Hungarisë.
Xhudistja jonë ka arritur në gjysmëfinalen e Grand Slamit të Hungarisë në kategorinë deri në 48 kilogramë mposhti në çerekfinale francezen, Shirine Boukli.
Në gjysmëfinale, Distria do të takohet me Shira Rishony të Izraelit.
Krasniqi është garuesja e vetme nga Kosova që sot ka mbetur në garë për medalje, pasi më herët Flaka Loxha dhe Shigeki Nakamura u ndalën në raundin e dytë.
Loxha në kategorinë deri në 57 kilogramë shënoi një fitore për t’u mposhtur më pas nga favoritja me përvojë të madhe Jessica Klimkeit e Kanadasë.
Nakamura në kategorinë deri në 66 kilogramë u ndalë nga kampioni i Evropës, slloveni Adrian Gomboc.
Ndërkohë, Nora Gjakova u mposht në raundin e dytë nga francezja, Helene Receveaux në kategorinë deri në 57 kilogramë. /Telegrafi/