Distria Krasniqi ka arritur në finale në Lojërat Olimpike ‘Parisi 2024’ në xhudo në kategorinë deri në -52 kilogramë, ku do të luftojë për medaljen e artë.
Në gjysmëfinale Distria u përball me xhudisten italiane Odette Giuffrida.
Meçi shkoi në vazhdime, siç njihet ‘golden score’, ku italiania që shmangej nga lufta, mori vërejtjen e tretë.
Xhudistja nga Kosova deri tani ka marrë tri fitore të jashtëzakonshme në tre meçe.
The moment Distria Krasniqi won. pic.twitter.com/D4OadhelCT#Paris2024 https://t.co/VfFCJ4iczt
— Admirim (@admirim) July 28, 2024
Fillimisht Krasniqi arriti të marr një fitore me ippon ndaj xhudistes nga Indonezia, Maryam March Maharani e vlefshme për 52 kilogramë për vetëm 39 sekonda. Ndërkohë në çerekfinale Krasniqi fitoi sërish me ippon ndaj xhudistes nga Izraeli, Gafen Primo, Brenda një minute.
Gjysmëfinalja tjetër është mes Diyora Keldiyorova dhe Amandine Buchard. /Telegrafi/