Tifozët e Fenerbahçes kërkuan dorëheqjen e qeverisë së presidentit turk, Recepp Tayyip Erdogan pas dy tërmeteve të fuqishme, ku mbetën të vdekur mbi 45 mijë persona.
“Kanarinat e Verdha” kërkuan dorëheqjen e kabinetit qeveritar në ndeshjen e fundjavës kundër Konyapsor, por duket se kjo do t’iu kushtojë shumë shtrenjtë.
Anëtari i Kongresit të Fenerbahçes, Hasan Dogan pohoi se “qeveria ka nisur t’u dërgojë në shtëpi njoftime tifozëve që brohorasin kundër tyre”.
Tribünlerin özelliği her görüşten insanı barındırması, bir arada tutması. İnsan inanmak istemiyor ama hükümet istifa tezahüratı yapan taraftarlarların evlerine 6222 sayılı kanun kapsamında “spor müsabakalarını seyirden men” tebligatları gitmeye başlamış. pic.twitter.com/9hQD6MSY5p
— Hasan Doğan (@hasandogan77) March 1, 2023
“E veçanta e tribunave është se aty ka njerëz të të gjitha pikëpamjeve politike. Njeriu nuk dëshiron ta besojë, por qeveria ka nisur t’u dërgojë tifozëve njoftime për ‘parandalimin e ndjekjes së ngjarjeve sportive’ bazuar në ligjin nr.6222, i cili nuk lejon brohoritjet që për synim kanë politikën”, pohoi ai.
Më vonë, Bordi i Sigurisë Sportive të Provincës së Kayserit vendosi të mos lejojë tifozët e klubit stambollas të jenë në shkallët e stadiumit në ndeshjen mes Kayserisporit dhe Fenerbahçe, e cila do të zhvillohet më 4 mars të 2023.
Ndryshe, edhe mbështetësit e Besiktasit kanë bërë thirrje që qeveria të japë dorëheqje. /Telegrafi/
