Site icon Telegrafi

Disa anulime të fluturimeve dhe vonesa në vajtje-ardhje në ANP “Adem Jashari”

Disa anulime të fluturimeve dhe vonesa në vajtje-ardhje janë shfaqur në Aeroportin Ndërkombëtar të Prishtinës “Adem Jashari”, si pasojë e mjegullës. Këtë e ka bërë të ditur për Gazetën Tribuna, Driton Hyseni, menaxher i orareve në ANP “Adem Jashari”.

Sipas tij, mjegulla e cila është prezente këto ditë ka ndikuar tek një numër i vogël fluturimesh duke pamundësuar realizimin e disa prej tyre.

“Dje, më 07 Dhjetor, në mëngjes kishim një operim normal të aeroportit dhe vajtje/ardhjet e para të mëngjesit janë operuar pa vonesa, por gjatë mesditës kemi pranuar një anulim nga Austrian (Vjena), e më vonë një dy anulime, nga Air Berlin (Cyrih) dhe fluturimi i Jetairfly për Bruksel”, ka thënë Hyseni.

Hyseni shtoi se të gjitha fluturimet tjera që ishin në plan për tu realizuar të hënën në orët e mbrëmjes, janë operuar sipas orarit të përcaktuar.

Ndërsa të martën, sipas Hysenit, nisja e mëngjesit nga Adria për në Frankfurt është realizuar në orarin e caktuar, po ashtu edhe arritjet nga Stambolli, Gjeneva dhe Cyrihu u operuan deri me tani. /Telegrafi/

Exit mobile version